AULA SENSORIAL

Este mes comenzamos a ir a aula sensorial que temos na planta baixa do colexio. Alí escoltamos o conto que nos leron as profes que é específico para luz negra. Coas luces apagadas e só coa luz negra encendida observamos a nosa roupa como destacaban as cores claras e os debuxos tan especiais do conto: "Leotolda".

Despois, con rotuladores fluorescentes pintamos en papel continuo todos xuntos e desfrutamos esa sensación de ver como destacan as cores con esa luz "especial". Cada semana iremos facer unha actividade a esta aula e experimentar do material que alí hai. 

Outra sesión que fixemos foi na piscina de bolas que é un sitio moi motivador para eles. Alí metemos números e por parellas ou grupos tiñan que atopalos e colocalos no seu grupo. Pasaronno xenial nesta búsqueda de números. Agora xa sabemos as normas que temos nesta aula sacar o calzado, gardalo no seu sitio e poñer os calcetíns antideslizantes. 

Esta aula permítenos, nun entorno relaxado, conectar todos os sentidos e estar máis cómodos para a aprendizaxe, sen deixar de desfrutar das actividades.